Search This Blog

Search The Web

الاهلي الان

Share:

Tuesday, September 26, 2017

حكاية نجاح مواطن سوري في مصر

عمار يا مصر 

أنا " حسين " شاب سورى عندى 26 سنه ومتزوج وعندى طفلتين .
جيت مصر انا و زوجتى وبناتى وأمى وأبى وشقيقاتى البنات وأزواجهن وولادهم من اربع سنوات .
عاوز اقول لحضرتك إننا من العائلات الفقيره اللى ما كان معها نقود مثل عائلات سوريه كتير أتت الى مصر و تقريبا كل السوريين اللى نعرفهم فى مصر تخلو عنا وصيرنا عائلة بلا عمل للذكور 
نزلت الشارع للبحث عن عمل وبعد كام يوم وجدت عمل متجر رجل محترم كان بيعاملنى مثل أبنه وبعد مده ليست بالطويله بعد ما اثبت إخلاصى فى العمل قدرت انى أشغل أبى وأزواج شقيقاتى بل وشقيقاتى وصار دخلنا فى الشهر محترم جدا يعنى صيرنا بنتحصل على ما يوازى 12 الف جنيه كل العائله بدون العطايا والهدايا فى المناسبات .. 
جلسنا وفكرنا ووصلنا لفكره إننا نعمل صندوق للعائله نضع فيه كل الأجور ونستخدم نصف الاجور فى المعيشه والنصف ندخره لمدة عام واللى يتجمع نسوى بيه مشروع صغير ونحاول نحسن وضعنا .. 
لا ابالغ إن قلت لحضرتك اننا استغنينا عن كل شىء ليس ضرورى فى الحياه .. تركت التدخين انا وأقاربى .. ما أذكر ان حد فينا إشترى قطعة ملابس جديده خلال أكثر من عام وبضعة أشهر . كنا بنتقطع وإحنا شايفين ولادنا نفسهم فى حاجة حلوه أو لعبه .. بس كنا مقررين إننا نكون أو لا نكون . 
وبالفعل بعد عام وبضعة أشهر فتحنا الصندوق لقينا صار معنا 100 الف جنيه من عرقنا وكدنا الحلال ... 
قررنا نستأجر محل و قمنا بإفتتاح مطعم صغير للمأكولات السوريه والمصريه أيضاً ،، لا تتخيل مصر والمصريين ساعدونا قد أيه .. لا تتخيل الرجل الصالح اللى شغلنا عندة فى البدايه ساعدنا ولا يزال بيساعدنا .. مصر إحتضنتنا وضللت علينا .. لينا أقارب فى بلدان أخرى عربية بدون ذكرها بيتم معاملتهم كلاجئين وأحيانا كمتطفلين وفى بعض الأحيان كعبيد !!! 
فى مصر حسينا بادميتنا وحسينا فعلا بمعنى كلمة " أم الدنيا " اللى كنا بنسمعها زمان ونتعجب ليه المصريين بيقولوا على بلدهم ام الدنيا بس لما عيشنا فيها عرفنا وفهمنا وإتعلمنا .
حضرتك مصر فيها عمل يكفى الأمة العربيه كلها وفيها خير يفيض عن حاجة الوطن العربى بأكمله ..
القرش اللى بيوضع فى اى حاجة فى مصر بيربح تحس ان ارضها طاهره وناسها عليهم حارس ... 
ياريت كل شاب قبل ما يفكر يدفع ما يملك فى رحلة موت أو يهرب نقوده الى الخارج يفكر الف مره هايلاقى نفسه يقدر يوصل .. وأكبر دليل هو أنا اللى بكلم حضرتك دلوقت وانا عامل فيها معلم واسطى :) وعندى موظفين والحمد لله ربنا عوضنا خير .. 
منقول..

Saturday, September 23, 2017

بالصور هدم ملاهي السندباد النزهة الجديدة القاهرة

جاري ازالة اجمل ذكريات طفولة جيل كامل .... 
السجادة - بيت الرعب - التفاحة ❤️❤️
وداعاً ملاهي سندباد

بالصور هدم ملاهي السندباد النزهة الجديدة القاهرة 

بجوار مطار القاهرة 
مسح طفولة و شباب العديد و العديد من المصريين
قبل كوكي بارك و دريم بارك و كل ملاهي القاهرة الاخرى 

Wednesday, September 20, 2017

شاب مصري يستحضر صورة والده و والدته المتوفيين في فرحه بالصورة

عمر شاب مصري فقد والده و والدته و طبع صورتهم في الفرح و كتب علي حسابه الخاص بال Facebook الاتي :

" مرة وانا في المستشفي مع بابا كنت سهران معاه لحد ما راح في النوم، المهم سبته ينام و طلعت بره و فتحت اللاب و قعدت العب، لقيته شوية و بينادي بيقولي سبتني ليه انا نفسي اتكلم معاك و اسمع صوتك احكيلي حاجة.. قعدت اتكلم معاه لحد ما راح في نوم تاني...
و دي تقريبا كانت اخر مره نتكلم فيها .. 
انا فعلا ندمان اني كنت في فترات كتير بسيبه هو و ماما و متكلمش معاهم..
والله لو الزمن رجع تاني عمري ماهسيبهم تاني و هفضل اتكلم معاهم..
فوقوا و خلي بالكم من اهلكم، اقعدو معاهم و اشبعو منهم و اتكلمو و ملوا عنيكم منهم و بلاش خناقات علي الفاضي، مهما قابلتو ناس مش هتلاقو حد يحبكم قد ابوك و امك  "

اهتموا بأهلكم قبل ان تندموا  , استمتعوا بكل لحظه معهم قبل فوات الاوان

Tuesday, September 19, 2017

مجموعة صور شباب مصري بملابس الرومان في قلب الاسكندرية

مجموعة صور شباب مصري بملابس الرومان في قلب الاسكندرية 

بس بعد الصبغة شبه المصريين و لا شبه الرومان فعلا 

Sunday, September 17, 2017

دكتور علاء حموده يكتب من هو خاتم الجمسي مراسل التليفزيون المصري في نيويورك

"حاتم الجمسي Hatem El-Gamasy".. طالب ماجستير في العلوم السياسية في أحدى جامعات الولايات المتحدة الأمريكية..

الأستاذ "حاتم" مصري مهاجر و له أسرة.. و بيدرس العلوم السياسية و بيحضر فيها ماجستير "بدون منحة".. على نفقته الشخصية..

بالتالي الأستاذ "حاتم" بيشتغل عشان يصرف على نفسه و على أسرته و على دراسته.. و تمكن و هو بيدرس إنه يفتح مطعم صغير في نيويورك..

اللي قاري شوية أو عنده أي معلومة عن العيشة برا حيفهم يعني ايه تدرس برا على حسابك.. يعني لازم تشتغل..

 في طلبة دكتوراه برا بتشتغل عمال أمن و نظافة و ديليفري..

ليا 2 أصدقاء واحد منهم كان في لندن "محصل تذاكر في قطار".. كمساري يعني.. و طالب دكتوراه.. و بعدما خلص الدكتوراه اشتغل في تخصصه.. و صديق تاني دكتور مهندس كان بينام في بدروم جنب مواسير التدفئة و بيشتغل فني في معمل.. لحد ما يخلص الدكتوراه.. و بقى دلوقتي أستاذ في الجامعة هناك.. و الاتنين زمانهم بيقروا كلامي دلوقتي..

برا الحياة كده.. 

مفيش الدكتوراه اللي بملاليم.. و طالما محدش بيصرف عليك.. يبقي حتشتغل.. في طلبة دكتوراه في كندا بتشتغل عمال مجاري..

طبعا بالثقافة الي عندنا.. لأ دا مينفعش.. لازم تبقى بتدرس و بابا بيصرف عليك..

لو بتكافح و تشتغل عشان تدرس دا يبقى عيب..

الشغل يبقى عيب.. خصوصا إنه شغل شريف.. يعني لو حاتم دا كان بيشتغل شغلانة غامضة مش مفهومة زي "صاحب مركز فلوريدا للدراسات" أو "مدير جمعية الشرق الأوسط".. كان بقى حلو و جميل و بيخر عسل أبيض...

انما الأستاذ "حاتم" بيكافح.. 

بيدرس سياسة و خد بالك "بيحضر فيها ماجستير".. فدا يعيبه طبعا لأنه صاحب مطعم.. شغلانة شريفة مفهومة.. و بيعمل ساندوتشات و دا "عيب"..

الأستاذ "حاتم" بالمناسبة كل آرائه في صف الدولة المصرية.. 

كل تحليلاته في صف الدولة المصرية..

متناول الأزمة القطرية من بدايتها بما لا يروق لقطر و ذيولها..

بالتالي فجأة بقى في هجوم ساحق على حاتم.. مع إنه عمره ما أنكر إنه صاحب مطعم و لا بيشتغل بإيده..

بالمناسبة "نيويورك تايمز" نشرت عنه.. اقروا تعليقات الأمريكيين و شوفوا قد إيه فخورين بكفاحه كمواطن أمريكي.. لأن حاتم مصري أمريكي.. 

بس احنا بقى.. مستلمينه تريقة..!!

يبدو إن سيدنا داوود إللي كان بيأكل من عمل يده.. بقى نموذج "عيب" في عصرنا..

شوف لك يا أستاذ "حاتم" جهة غامضة تمولك.. أو افتح مركز دراسات استراتيجي مالوش أي ملامح و لا حد عارف تمويله منين.. عشان تعجب السفهاء..

الأستاذ "حاتم الجمسي" يمثلني.. و له كل دعمي.. لحد ما يخلص ماجستير العلوم السياسية و يبقى طالب دكتوراه.. و ياخد الدكتوراه و يبقي دكتور "حاتم الجمسي"..

استمر يا صديقي و لا تخجل و لا ترتبك.. سفهاء و جهلة كتير سخروا من الأخوان "رايت".. و دلوقتي محدش بيسخر من الطيران...
من صفحة دكتور علاء حموده على الفيسبوك

Friday, September 15, 2017

كيف نحمي مريم شاهدة الاثبات على حسم و ارهاب جماعة الاخوان المسلمين

مقال على صفحة الدكتور علاء حموده على الفيس بوك 

في التلاتينات في أمريكا كان في اسم براق لامع.. لرجل عصابات شهير.. اسمه "ألفونس كابوني Alphonse Gabriel Capone" أو زي ما احنا نعرفه باسم "آل كابوني Al Capone".. 

"آل" كوّن عصابة رهيبة.. اخترقت كل شبر في المجتمع.. و كان لهم طريقة فريدة في السرقة.. رجالته بيوقفوا مثلا عربية محملة نقود أو بضاعة.. و بياخدوا السواق و الحرس على جنب.. تحت تهديد السلاح.. و بعدين ينتزعوا هوياتهم.. و يقولولهم:

"انتوا عرفتونا.. بس معانا هوياتكم.. يعني معانا عناوينكم و عناوين اسركم.. زي ما تقدروا تأذونا.. نقدر نأذيكم"..

بعدها بيسرقوا العربية.. وأحيانا بيسيبوا "بقشيش" سخي للحرس و السائق.. اللي طبعا محدش فيهم حيقدر يتكلم..

سرقة و تهريب مخدرات.. خمور.. نقود.. بضائع مغشوشة.. تجارة بشر..عصابة "آل كابوني" اشتغلت تحت قيادته في كل الموبقات اللي ممكن تخطر على بالك..

لو في حد شهد ضد عصابة كابوني.. كانت العصابة بتقتله.. لو في شرطي اتعرض للعصابة كان بيتقتل.. لو في قاضي حكم ضد العصابة كانوا بيغتالوه..

الخوف و الرعب عم البلاد.. و كان يكفي إن اسم "آل كابوني" يذكر في مكان عشان الكل يخاف.. لدرجة إنهم بقوا يخافوا يذكروا اسمه بعد كده.. 

بالضبط زي ما احنا بنقول علي السرطان "المرض اللي مايتسماش" و "المرض الوحش"..  سموه "الرجل ذو الندبة Scarface".. لإن "كابوني" كان عنده ندبة مزدوجة بشعة على خده الأيسر..

"كابوني" كانت ملامحه طفولية جدا.. بس كان بلا قلب.. و عيّش الناس في رعب.. لدرجة إن الناس بقت أحيانا بتعرف حيضرب ضربته فين و امتي و تفضل ساكتة.. لو حد من رجال "كابوني" اغتصب ست.. بتفضل ساكتة عشان تحمي اسرتها.. لو قتل ابن أمام عيون أمه.. بتفضل ساكتة عشان تحمي ابنها الآخر..

عمل مذابح مروعة.. و محدش خلاص قادر عليه.. لحد ما ظهر على مسرح الأحداث "إليوت نيس Eliot Ness".. الراجل اللي في الصورة دا.. سنة 1925..

"إليوت" كان رجل "موسوعي Polymath".. خبير اقتصاد و رجل قانون و علم نفس و موسيقي بارع.. 

بينضم "إليوت" لقوات الشرطة على كبر.. سنة 1926.. و بيبدأ حرب ضروس ضد "كابوني".. "إليوت" مكانش خايف.. بالرغم من محاولة اغتياله أكتر من مرة.. مكانش همه شيء سوى إن العدالة تتنفذ..

طبعا مش عارف يمسك "كابوني".. كل ما يجيب شهود على جريمة يقتلهم له.. المجني عليه يغير كلامه.. إلخ..

طبعا مع جيش جرار من المحامين التابعين لـ"كابوني" بيلاقوا له ألف ثغرة و ثغرة... بس "إليوت" مابيسيبهوش.. بيفضل ينخور وراه.. 

يبدو إن الحق دائما قوي مهما بدا العكس.. لإن "كابوني" بيبدأ يخاف من "إليوت" اللي لا بيخاف و لا يرتشي.. و بيهدي نشاطه تماما.. 

و ذات صباح ممطر في أحد ايام أكتوبر.. سنة 1931.. بيفاجأ "كابوني" برجال المباحث الفيدرالية بتقتحم بيته.. و تلقي القبض عليه.. و لما بيثور عليهم لأنه فعلا مارتكبش أي عمل غير قانوني مؤخرا.. بيدخل أمامه "إليوت نيس" مبتسماً في تشف.. و بيعلن له إنه تهرب من دفع الضرائب عن عامي 1928 و 1929.. بالرغم من إن دخله ازداد في الفترة دي لسبب مجهول.. بس مدفعش اي ضرايب على الدخل دا..

بيدخل كابوني السجن بعد كل اللي عمله بتهمة تافهة.. "التهرب من الضرائب".. "كابوني" كان مصاب بالزهري من علاقاته الجنسية الغير شرعية.. و دا بيؤدي لإصابته بالجنون الناجم عن الزهري العصبي لاحقا.. و بتتدهور صحته و بيموت.. و بتنهار عصابته من بعده و تتفكك..

عصابة "كابوني" و اللي اتعرض له الضحايا و "إليوت".. بيخلي بعد كده  الولايات المتحدة تفكر في برنامج جديد.. يقفل الطريق على ظهور أي مصيبة زي "كابوني".. فعملت برنامج اسمه "برنامج حماية الشهود Federal Witness Protection Program"...

القانون دا نفعهم جدا في حربهم ضد الجريمة المنظمة.. و إرهاب عصابات المافيا.. و الجماعات الدينية المخبولة زي الـ "كو كلوكس كلان Ku Klux Klan"...

عصابات كتير بيبقي فيها ناس ضميرها صحي.. أو من افراد العصابة ناس أسرهم عايزة تبلغ عنهم و خايفة من انتقام الباقين.. 

لو مفيش برنامج لحماية الشهود محدش حيساعدك.. و ياسلام بقى لو الشاهد اتقتل.. ابقى شوف مين تاني حيفكر حتى يشهد زيه و يقدملك أدلة لا تقدر بثمن توفر عليك كتير.. جهد و مال و أرواح...

البرنامج مش صعب.. اسم جديد و تغيير بسيط في الشكل.. صبغة شعر.. قصة شعر مختلفة.. عدسات.. و تاريخ ورقي حكومي ممكن يتدبر في لحظات.. و حياة جديدة في محافظة جديدة.. مع متابعة شرطية بشكل روتيني دوري..

"مريم" اللي أدلت بشهادتها امبارح على الهواء و كشفت اماكن لمعسكرات الإرهاب و بلغت عن أسرتها.. شاهد جدير بحماية برنامج زي دا.. 

مينفعش نكون بنحارب الإرهاب و بنطالب الناس تساعد و هي بلا حماية من أي نوع و عرضة للانتقام.. و يبقى معندناش برنامج زي دا.. برنامج حماية الشهود موجود في كندا و إسرائيل و سويسرا و الولايات وانجلترا و نيوزيلاندا.. و حتى تايلاند...

في رجل.. ربة منزل.. دلوقتي حالا.. لهم جار مجرم بيصنع قنابل.. و هم عارفين.. و مش قادرين يبلغوا.. خايفين...

في كام "مريم" في سيناء؟

لو في برنامج زي دا يغطيهم.. لو حسوا بالأمان.. متهيألي مش حناخد وقت كتير لحد ما نقضي على الإرهاب أو الجريمة المنظمة عموما بشكل تام..

بالصورة ضابط مرور مصري محترم فوق العادة مرور حدائق القبة

الراجل ده بقى ايه حكايته .. ؟؟؟
الضابط ده اسمه محمود عبد الفتاح رئيس احدى وحدات المرور-حدائق القبة-.. شاهد سيده مسنه تبكي أمام الوحده علشان مش عارفه ترخص سياره جوزها المتوفي علشان تبيعها علشان مصاريف أولادها طلع خد الورق من ايدها ولف علي الموظفين خلص الإجراءات وهي قاعده بالمكتب كان قادر يجيب الموظفين عنده في المكتب لكن الست لما سألته هذا السؤال قالها ادعيلي يا حاجه انا أردت أتعب شويه علشان أحس بالناس واخد ثواب أكتر..الضابط محمود كاتب على باب مكتبه ان كبار السن يدخلوا المكتب فورا بدون انتظار وأن المسن يقعد ويستنى لغاية ما ورقه يخلص وهو قاعد فى لمكتب <3
هو ده الرجل المحترم ..الوظيفه مش مكتب مكيف الوظيفه احساس بالآخرين شيروا الصوره دى واعرفوا ان مصر لسة فيها خير وولادها طيبين........زي ما بنتكلم علي السلبيات لازم نقول الايجابيات..
-تعليقاتكم!

Cpd

Friday, September 8, 2017

صور الطفلة بائعة التين التي أشعلت مواقع التواصل بجمال عينيها

صور الطفلة بائعة التين في شمال العراق  التي أشعلت مواقع التواصل بجمال عينيها 




Thursday, September 7, 2017

ماذا صور اللواء عباس كامل اثناء إلقاء الرئيس السيسي كلمته امام البريكس

توضيح مهذب مني لمن يقول أو يردد أن اللواء عباس كامل إنشغل عن كلمة الرئيس السيسي بالتقاط مشاهد سيلفي وإنها سقطة للواء عباس كامل ..
أحب أوضح لهم إن اللواء عباس كامل كان بيصور كلمة الرئيس السيسي من الشاشة التي  تعلوه والتي تظهر في اللقطة الأولى كما سيتضح من الصورة التي بالكاميرا في اللقطة التالية.

Wednesday, September 6, 2017

رغدة مسعد ابو ليلة تنتقد توريث مبارك و تنسى توريث ابو ليلة

نادرا ما اشاهد نشرة اخبار الأولى في التليفزيون المصري وجدتهم يذيعون تقريرا عن انهيار عقار في منطقة محرم بك القريبة من سكني و بعدها تقرير عن زيادة اسعار الخضروات 
نشرة اخبار محلية شيء جميل و دخلنا على الفقرة الرياضية و شد انتباهي ان المذيعة متمكنة من أدواتها بصراحة فقلت يا ترى من هذه المذيعة و شكرها مذيع النشرة الرئيسية او السياسية و فوجئت ان اسم المذيعة رغدة مسعد ابو ليلة 
بتت الاعلامي مسعد ابو ليلة و ابو ليلة اساسا من احسن من قدم نشرة الاخبار على شاشة عربية و كان ايضا و ما زال متمكنا جدا من أدواته 
المهم فكرت نفسي عملت اكتشاف و ان المذيعة الشابة لسه جديدة و سوف اكتب مقالا عن التوريث في ماسبيرو حتى لو اعجبتني المذيعة لاتفاجيء انها ليست جديدة دي من زمان من ايام مبارك  بعد بحث بسيط على الانترنت 
و نا الصحف و المواقع تغطي أخبارها 
 كويس
كنت قررت اطنش و أنسى الاكتشاف العبقري بسبب جهلي بمذيعات التليفزيون المصري و لكن استفزني العنوان المنشور في جريدة دنيا الوطن و المرفق هنا
يا رغدة حتى لو شاطرة انتي مثال للتوريث فما ينفعش تتكلمي عليه ما هو مبارك كان مفكر نفسه اجدع رئيس و سوزان كانت مفكرته حيطلع لأبوه 
 عارفة كنت افرح قوي لو انتي مثلا مذيعة جامدة في سي بي سي و يا سلام بقى لو بي بي سي مثلا و ابوكي مسعد ابوليلة و انا احترمه و اللهي

Tuesday, September 5, 2017

ملاحظات حول كلمة الرئيس السيسي امام قمة البريكس في الصين

ما لفت نظري واسترعى انتباهي في كلمة الرئيس السيسي أمام قمة البريكس أن الرئيس ، بعد أن استعرض المشروعات القومية العملاقة والاصلاحات الاقتصادية التي قامت بها مصر لخلق بيئة جاذبة للاستثمار ، أشار في آخر فقرة من كلامه  لنقطتين في غاية الأهمية :
 
1- ندعوكم لصيغ مختلفة للتعاون الجنوبي الجنوبي بين مصر ودول البريكس مع الدول الافريقية  (يعني التعاون في الاتجاه الأفقي لتكون مصر هي بوابة دول البريكس للدخول إلى القارة الأفريقية)

2- ندعوكم للاستفادة لمؤسساتكم من شبكة الاتفاقات الدولية التجارية التي تجمع مصر والدول الأوروبية والعربية والأفريقية 

و هو هنا  يقصد استفادة دول البريكس من عدة اتفاقات تجارية مختلفة وقعتها مصر مع شبكة واسعة من الدول شرقا وغربا وشمالا وجنوبا  لمنح تسهيلات للتجارة البينية فيما بين مصر وهذه الدول.. يعني عندك اتفاقية مثل اتفاقية الجات مثلا ، واللي بتقضي بتبادل البضائع بين مصر ودول الاتحاد الأوروبي  بتسهيلات جمركية كبيرة تصل لحد الإعفاء التام من الجمارك ... واقعيا احنا ماكوناش بسنتفيد من الاتفاقية دي لأن حركة التجارة كانت تقريبا في اتجاه واحد وهو الاستيراد من الدول الأوروبية ، بينما احنا لم نكن نصدر لهم  سوى بعض المنتجات الزراعية ، وبالتالي كان الميزان التجاري بيميل بشدة لصالح الجانب الأوروبي طبعا ..
فهنا الرئيس بيعمل اجتذاب لدول البريكس ( الصين والهند على سبيل المثال ) لإقامة مصانع لتصنيع منتجاتها في مصر ، وبما أن المنتجات دي هتتصنع في مصر وهيتكتب عليها
Made In Egypt ، 
فطبيعي إن المنتجات دي هتدخل للدول الأوروبية والعربية والأفريقية بنفس التسهيلات الجمركية والتفضيلية المنصوص عليها في اتفاقيات الشراكة اللي موقعاها مصر مع تلك الدول ، وهو ما يعزز من الميزة التنافسية لمنتجات وسلع دول البريكس في الأسواق الأوروبية والعربية مقارنة بغيرها من الدول.. يعني مصر هتكون بوابة دول البريكس مش بس للأسواق الأفريقية ، ولكن للأسواق العربية والأوروبية ، بشرط إقامة مصانعهم هنا على أرض مصر والاستعانة بالأيدي العاملة المصرية
Copied from Facebook many pages and We can not reach original one 

Monday, September 4, 2017

ماذا تعرف عن مدينة الضبعة الجديدة معلومات مرسى مطروح

بعد اعلان الرئيس عبد الفتاح
 السيسي اليوم الاتفاق النهائى علي مشروع الضبعة !
ماذا تعرف عن مدينة الضبعة الجديدة مدينة بخدمات اوروبية بطابع بدوى والافتتاح قريبٱ جدا ..
تم انشاء مدينه جديدة لبدو المنطقه بتكلفه مليار جنية منحة من القوات المسلحة 
مدينة متكاملة تضم 234 عمارة و1500 منزل بدوي مزدانة باشجار الزيتون دلاله سلام ومحبه 🌿🕊
تم الانتهاء بالفعل من تنفيذ 95% من المشروع في زمن قياسي علي مساحة 2380 فدانا في الجانب الغربي من ارض المحطة النووية والتي تتضمن ٢٣٤ عمارة سكنية و١٥٠٠ منزل بدوي يناسب احتياجات ابناء المنطقة علي مساحـة ٣٠٠ متر للمنزل لاهالي الضبعة.

في الجانب الغربي من مشروع محطة الضبعة النووية ويفصلها عن المشروع سور بعمق ٤ كم كما تم توفير الكثير من المساحات الخضراء التي تضفي علي المكان لمسة جمالية تجعله ينافس افضل مجمعات القاهرة السكنية الراقية.

تضم المدينة مساكن وخدمات لكل ابناء الضبعة المضارين من نزع اراضيهم وبحيث تكون الوحدات والاراضي المخصصة لهم تعويضات عادلة عن تلك الاراضي التي ستدخل ضمن مشروع مصر الوطني الكبير بإقامة محطة الضبعة الوطنية التي ستكون خطوة كبيرة لانطلاق مصر نحو المستقبل .

مدينة متكاملة تضم مولاً تجاريا وأسواقا ومدارس تبدأ من مرحلة رياض الأطفال وحتي الثانوي العام ومسجدا يتسع لن 800 مصل وشاطئا عاما يقوم لأول مرة علي الساحل الشمالي 

عدد الشركات التي كانت تعمل بالمشروع وصلت إلي 29 شركة وأكثر من 10 آﻻف عامل. و شبكة الطرق تصل إلي 35 كيلو مترا داخل المدينة السكنية.
__
تعقيب 

بعد ثورة يونيو بشهرين بس زار عبد الفتاح السيسي اهل الضبعه بالملابس الميرى وقابل قائد المنطقه العسكرية الشمالية والغربية ! 
لو تفتكرو بعد ثوره يناير اهالي الضبعه كسروا محتويات موقع المحطة ورفضو اقامه اي محطات نووية في منطقتهم خوفا علي اولادهم 
طمنهم عبدالفتاح وقالهم ان المحطه خير ليكم ولينا ودا امر واقع هعملها يعنى هعملها هتتعاونو معانا والخير يعم عالجميع ولا حابين ايه ! الناس كانت مسالمه ووافقو ورحبو قبل ميقومو سابو اراضيهم اللي كانت وضع يد تقريبا 13 الف فدان بس الراجل مزعلش حد في نفس القعده زي ما هم طلعو رجاله وجدعين هو طلع راجل وقد كلمته ودفع لكل واحد 30 الف جنيه عالفدان وهو قاعد دفع لاهالي الضبعه 400 مليون جنيه 
بعدها بشهور خلص تصميمات مدينه الضبعة الجديده الاهالي هناك سموها مدينه السيسى 
مدينه راقيه بيوت علي اعلي مستوي وخدمات ومستشفيات ومدارس وحضانات وملاعب واماكن خضراء وشاطئ مفتوح وقريب ستاد رياضي قانونى كبير 
ابتدي الشغل فيها اواخر 2014 لمده 24 ساعه في اليوم خلصو 90% منها منتصف 2016 
كان بكل بساطه قادر ينزل بشوية جنود ويسحب الارض منهم ويطردهم الي جبال المنطقه لكن اختار طريق يليق بادميه المصرى 
علي فكرة تكلفه التعويضات والمدينه بالكامل من جيب الجيش المصرى مدفعناش جنيه من خزانة الدولة 
الارباح من مشروع مصر النووى القومى مليارات ومليارات الدولارات مش قليل عليه مليار جنيه .

لماذا تفاجئت ان انتماء عمرو خالد الى جماعة الاخوان و من زمان

اللي اتفاجئ بإنتماء عمرو خالد و كل شلّة مشايخ ال ( هيييح ) اللي ظهرو فجأه في وقت واحد , في مصر والخليج , اللي اتفاجئ بانتمائهم للإخوان يبقى لامؤاخذه مايعرفشي يعني ايه تنظيم إرهابي دولي أنشأته المخابرات البريطانيه في نفس توقيت نشأة الكيان الصهيوني .
.
يا حبيبي , يا ضنايا , كل قيادات الخرفان المرميين في السجون ولا ليهم أي تلاتين لازمه , مجرد خرفان في القطيع زيهم زي أصغر خروف في الجماعه الإرهابيه .
.
اللي بيخطط للناس دي و يفكّر لها و يجمع لها شعبيه من تحت الأرض و يوفر لها غطاء سياسي و اقتصادي ( تحت مسميات بقى حقوق الإنسان و الديموقراطيه و الفول الحريتي ) اسمها المخابرات البريطانيه , المخابرات اللي بتشتغل حضرتك بطريقة : لو عندك بحر فيه سمكه واحده و عايز تجيبها , يبقى الحل بالتأكيد أنك تجيب معلقه و تنزح ماية البحر بالمعلقه لحد مايبقاش فيه غير السمكه اللي انت عايزها !!  .
.
المخابرات البريطانيه حضرتك بتعتبر ان الكيان الإرهابي الدولي ده جزء من هيمنتها على العالم , القوه الاستعماريه القديمه بتمارس استعمارها بشكل مختلف , بأدوات مختلفه و هي قاعده في التكييف , عشان تسيطر على دول الشرق الأوسط تعمل كيان ارهابي دولي , و تمنح أغلب قياداته الجنسيه و توفر لهم كل أدوات الشهره , و تخطط لهم و توزّع الأدوار للوصول لشرايح اجتماعيه مختلفه من الشعوب  , عشان في النهايه يفضل الكيان الإرهابي ده أداة تنفيذ في وقت الخراب و المؤامره , و ورقة ضغط  في وقت السلم , الحدوته في كلمتين أهم هقولهم تاني : أدوات تنفيذ في وقت المؤامره و الخراب و ورقة ضغط في وقت السلم , فيلم و اتهرس مليون مره قبل كده .
.
ده يعني لو كنت حابب تفهم , إن بريطانيا و أمريكا اللي بيلمو قيادات الإرهابيين عندهم و يصرفو عليهم و يعلفوهم و يفتحولهم البرلمانات و البيت الأبيض , مش بيعملو كده محبه في الإسلام  و طبعا مش هيحررو لنا القدس , اعتقد أمريكا و بريطانيا مش هيحررو لنا القدس , ولا انت رأيك يا مولانا انهم هيحررو لنا القدس  ؟ أقولك الكلمه الأبيحه إياها ؟ .
المقال منقول عن صفحة الدكتور محمد حسين خريج صيدلة المتصورة على الفيس بوك 

Sunday, September 3, 2017

فضيحة مذيعة الجزيرة خديجة بن قنة على تويتر رسميا

يعدما قام تويتر بإلغاء كل الحسابات المزيفة خاصة في منطقة الخليج العربي 
و بعدما كانت بنت قنة الجزائرية التي لا تستحق انتمائها لهذه الدولة العظيمة تتباهى بأنها لديها أكثر من ٩ مليون متابع على صفحات تويتر انخفض عدد متابعيها الى ٢٨٠ الف متابع هم عدد الخرفان في الوطن العربي و فطر بالذات
حتى لا يعيشون الوهم 

اخبار الحوادث

الكامل فى التاريخ

البيت بيتك

اخبار التعليم و نماذج كادر المعلمين مصر