Search This Blog

Search The Web

الاهلي الان

Share:

Wednesday, October 18, 2017

من هي حبيبة احمد عز التي هاجمتها مواقع التواصل الاجتماعي

من هي حبيبة احمد عز الدين مستشارة وزير التربية و التعليم المصري و التي هاجمتها مواقع التواصل الاجتماعي و خاصة الفيس بوك و وصفتها بأنها ابنة الملياردير احمد عز ملك الحديد و أسطورة عصر حسني مبارك و نجم نجوم الحزب الوطني المنحل 

و ذلك بعد تعيينها مستشارة في وزارة التربية و التعليم 

و قالت صفحات اخوانية على النت ان ذلك استمرار لعودة النظام القديم و ان مرتبها يفوق ٤٥ الف جنيه مصري شهريا 


Tuesday, October 17, 2017

احلى تريقة على الإخوانجي الأهبل عمرو عبد الهادي

الأيقونه الإخوانجيه عمرو عبد الهادي : أنباء عن صعود الإمارات لكاس العالم روسيا 2018 بدلا من مصر ,السيسي باع مقعد مصر في المونديال بمليار درهم !! .
.
- بالمناسبه لكل أصدقائي الأعزّاء , عمرو عبد الهادي ده اعلامي اخوانجي و أيقونه و رمز , يعني القمه , يعني التوب , يعني زبدة التنظيم الإرهابي و الكريمه بتاعته , ايه رأيكو بقى في الكريمه و الزبده ؟! .
.
عزيزي الأستاذ زبده , قصدي الأستاذ عمرو 
- سؤال محيرني من صباحية ربنا , هو احنا لما نبيع مقعدنا في كاس العالم للإمارات هنقول للحاج بوتين ايه  بعد ما كتب اسم مصر في الدفاتر والجرانين ؟ نقوله مثلا مش فاضيين نلعب كاس عالم ,عندنا دوري و كاس و دوره رمضانيه عايزين نكملهم ؟ استنى  استنى لقيت حل , احنا نطلب من الشيخ أحمد الطيب و من البابا تواضروس يصدرو فتوى عاجله إن الكوره أصلا حرام , و نبعت الفتوى  لبوتين عشان شكلنا مايبقاش وحش قدامه , الراجل ده أصله يلزمنا و ماينفعش نزعله , و بعدين ده دماغه جزمه قديمه و ممكن تكبر معاه و يهد البطوله و يفشكل الدوره دي و يلم الشَبك و العُرض و يقول كل واحد يروح يلعب قدام بيتهم , وقتها بقى هنرجّع المليار درهم للإمارات ازاي يا فالح ؟ ماحنا أكيد صرفناهم , يابني احنا بنكح تراب و أي فلوس بتيجي بتتصرف قبل ماتدخل جيبنا .
.
- بس فيه مشكله  يا أستاذ زبده , انت ماخدتش بالك منها , احنا لما نبيع مقعدنا  للإمارات هتبقى كده قارة أسيا دخل منها فرقه زياده و قارة أفريقيا فيها عدد ناقص واحد , الإتحاد الأفريقي مش هيسكت عالموضوع ده و هينزل السبتيه يجيب  الواد عربي كونته و سيد كيتو و ييجو يكسّرو اتحاد الكوره بتاعنا على دماغ اللي فيه , مالخيبه لا تكون مش عارف إن الإمارات في قارة أسيا و إن مصر في قارة أفريقيا , و الخيبه الأكبر لاتكون فاهم إن قارة أسيا أصلا أصلا بتقع في قارة أفريقيا .
.
- المشكله الأنيل  يا أستاذ زبده و المعضله الحقيقيه اللي محتاجه حل  , هي إن أختك في ( الشر*طه ) أيات عرابي كان رأيها ان مصر دفعت رشوه للكونغو و الحكم و الاتحاد الأفريقي و مجموعة الكومنولث عشان نوصل كاس العالم , اه دفعنا رشوه عشان نغلب الفرقه اللي احنا غالبينها على أرضها !! , و عملنا خطه بقى اسمها خطة الرشوه , اننا نجيب جون و بعدين الكونغو تجيب جون في الدقيقه 87 يقوم يجيلنا الضغط و السكر و الكساح و بعدين تيجي ضربة جزاء في الدقيقه 94 و صلاح يجيبها جون , خطة ماتخرش المايه , السيسي ده أصله مكار و قال يضرب عصفورين بحجر واحد , ندفع رشوه و نوصل كاس عالم و في نفس الوقت ألاف المصريين يموتو بالشلل بسبب هيكتور كوبر و يبقى قلّلنا  عدد السكان شويه .
.
المهم بقى , انت تشوف لك حل مع الشر*وطه أيات عرابي , تتفقو على رأي يعني , هل يا ترى مصر دفعت رشوه للكونغو عشان تلعب في  كاس العالم ولّا مصر خدت رشوه من الإمارات عشان ماتلعبشي في كاس العالم ؟ّ!!, روح يابني ربنا يوفقكو و يحرقكو بجاز وسخ , يارب تبقو كويسين انتو الاتنين و بعدين ييجي اتوبيس سياحي فاخر مايخلّي فيكو حتة سليمه ( غير الليّه )  .

Monday, October 16, 2017

احلى تريقة على ممدوح حمزة الشهير بممدوح كلوتات

دا يا جماعة الباشمنهدز مندوح حمزه .. أيقونة المعارضة وتنينها المجنح اللي بيطير في السما وبيمشي ع الحيط .. دا اللي بإشارة واحدة من صباعه بيزنزن الزنازين وينفخ البلالين ويحشد الملايين ، وبالمرة يبيع لهم كلوتات ثورية وكومبليزونات يسارية 
دا الي عايزنا نمشي وراه ونستمع بكل بلاهة لأفكاره الحلزونية اللي سابقة الجميع بملايين من الحمير الضوئية 😄
بيقولك ان مطار العاصمة الادارية الجديد قريب أوي من مطار القاهرة عشان يبقى بعيد عن الأعين لزوم الزيارات السرية !!! 
يعني هو قريب أوي وفي نفس الوقت بعيد عن الأعين ؟!!.. سبحان من أبدعك وبردعك وبرطعك ..دا انت لقطه.. دا انت ملكوت لوحدك 😄
وإيه جو المطار السري ده ؟  يعني مطار كامل  بكل كونتراته و ممراته وطياراته  وموظفينه هيبقى سري إزاي ؟ مفيش حد هيصور بموبايله  أي زائر جاي لنا في أنصاص الليالي أو أي كرتونة بيرة مشبرة جايلنا في الخباثة كده من عند الخواجة كرياكوس صاحب خمارة بانايوتي في قبرص 😄
طاب وليه كل ده.. مالمطارات العسكرية ماليه الدنيا واجراءات الصرامة والسرية فيها على أعلى مستوى 

وبعدين سيادة الأيقونة وأشهر باشمهندز في مجرة درب البغالة  واللي من كتر عبقريته  أدوله عملية رصف شوارع القمر وأسندوله عملية تصميم وتنفيذ شبكة الصرف الفكري في كوكب بلوتو مش عارف مثلا إن مدينة زي موسكو فيها لوحدها أربع مطارات دولية ؟ أو إن مدينة زي  دبي فيها مطارين المسافة بينهم لاتتعدي 20 كم ، والاتنين على بعد 30 كم  من مطار الشارقة ؟

دا يا جماعة الأي كيو بتاع أيقونات المعارضة المصرية ورموزها الفضائيين .. مش محصل حتى أي كيو كومدينو برجل مكسورة 

عوّض علينا عوض الصابرين يارب
من صفحة الاستاذ محمد حافظ على الفيسبوك
Mohamed Haffz

حدث في مطار القاهرة بلاغ لمن يهمه الأمر

فجر اليوم كنت عائدا من بروكسل عن طريق زيورخ على الخطوط الجوية السويسرية بعد المشاركه فى امتحانات البورد الاوربى لجراحة الأورام 
قبل الهبوط بمطار القاهرة ب 35 دقيقة أصيب أحد الركاب بأزمة مع ضيق فى التنفس وفقدان الوعى وتم إستدعاء الأطباء الموجودين بالطائرة وتوفير الاسعافات المتاحة بالطائرة ووضع المريض على أرضية الطائرة وفى نفس الوقت أبلغ قائد الطائرة سلطات المطار بوجود حاله تستدعى الإخلاء والرعاية الطبيه فور هبوط الطائرة وطلب من الركاب عدم مغادرة المقاعد إلا بعد إخلاء المريض من الطائرة 
هبطنا بسلامة الله والتزم الركاب بعدم الحركة من المقاعد انتظارا لفريق الإنقاذ لإخلاء المريض والذى كان يجب أن يكون جاهزا تحت سلم الطائرة فور الهبوط كما يحدث دائما فى كل مطارات العالم ولكننا فى مطار دوله خارج نطاق العالم ونقول دائما خداعا لانفسنا أن العالم لايريد لنا التقدم ولا نعرف لماذا توصى معظم دول العالم رعاياها بعدم الذهاب لمصر واذا ذهبوا فليذهبوا على مسئوليتهم الشخصية 
انتظرنا حوالي 15 دقيقة داخل الطائرة حتي صعد ثلاثه يتساءلون ايه الموضوع والراكب جنسيته أيه ولا علاقة لهم بالاخلاء الطبى أو الطب عموما ولما علموا أن الراكب مصرى طلبوا من قائد الطائرة بغباء وبلاهه شديدين هل يوجد كرسى بالطائرة لاستخدامه لنقل المريض وكأنها المرة الأولى التى يقومون فيها بهذا العمل فاخبرهم القائد بأن هذه الكراسي لا توجد بالطائرات ولكنها تتوافر مع فرق مدربه وجاهزة فى كل المطارات
واذا بالاغبياء بعد أن تأكدوا من جنسيه الراكب يطلبون من قائد الطائرة أن يسمح بمغادرة الركاب ليتم تجهيز نقل المريض بعد ذلك وتسبب هذا الرد وتلك أللامبالاة من هذا الثلاثى الغبى بغضب الكابتن وثورته الشديدة قائلا لهم أنه لن يتم نزول راكب من الطائرة الا بعد إخلاء المريض بواسطة فريق طبى متخصص 
استغرق هذا الحوار أكثر من 10 دقائق والمريض ملقى على أرض الطائرة والمضيفه جاثيه على ركبتيها لأكثر من 60 دقيقة ماسكه بجهاز الأكسجين ورأس المريض وطاقم الطائره والركاب يحاولون المساعدة إنتظارا لفريق الإخلاء أو الإسعاف المجهز لذلك .. بعد ذلك صعد نفس الثلاثة ومعهم كرسى متحرك متهالك يمر بصعوبة شديدة بي كراسى الطائرة 
أعتقد أن هذا الطاقم السويسري سيقوم بإبلاغ حكومته بما حدث وستنضم سويسرا للدول التى تحذر رعاياها من الذهاب لمصر .
لو حدث هذا فى أى مطار فى العالم لتم فورا محاكمة المسؤلين عن المطار وتحويلهم لوظائف أخرى لا يستطيعون فيه تشويه وجه مصر .

د.ابو العزم حميدة
من فضلك انشر الموضوع من اجل صورة بلدنا و لو حد صاحبك مهم  يا ريت تعمله منشن 

Wednesday, October 11, 2017

سكرتير محافظ الجيزة يطلب رشاوي جنسية من السيدات

كشفت أجهزة الأمن بالجيزة تفاصيل الإيقاع بسكرتير نائب محافظ الجيزة لاتهامه بقضية رشوة جنسية.

البداية كانت مع بلاغ تقدمت به سيدة تدعى "إلهام"، تتهم "هيثم م." بسكرتير نائب محافظة الجيزة، بأنه طلب منها رشوة جنسية؛ مقابل استصدار قرارا بإزالة المباني المقامة على قطعة أرض متنازع عليها قضائيا بينها وأشقاء زوجها بطريق مصر أسيوط الزراعي بمركز الحوامدية، جنوب المحافظة.

أكدت التحريات صحة البلاغ، و أن المتهم اعتاد طلب ذلك من السيدات اللاتي يترددن على ديوان المحافظة.

تم استصدار إذن من نيابة أمن الدولة العليا بتسجيل كافة اللقاءات والأحاديث .

و اليوم، طلب المتهم من مقدمة البلاغ لقاءها بمكتبه لاطلاعها على الأوراق الخاصة بها، و أثناء تواجدهما سوياً، طلب منها التوجه إلى شقة بشارع العشرين بمنطقة بولاق الدكرور لمعاشرتها جنسياً، وتم ضبطه عقب تصويره و تسجيل المحادثة.

و تمت إحالته إلى النيابة العامة للتحقيق.


Tuesday, October 10, 2017

نصائح موجهة الى المصريين اللي رايحين كأس العالم في روسيا

البوست

- المصريين اللي هيروحو يشجعوالمنتخب في كاس العالم اليكم التالي:

* الروس مش بيحبوا يتكلموا انجليزي يعني محدش هيفهمك ولا انت هتفهم حد 
* نسوان روسيا مش قاعدين في المطار مستنيين وصولك
* اعمل اي حاجة في روسيا الا الاغتصاب و المخدرات و الارهاب ، غير كده عيش يا معلم
* في روسيا ممنوع التدخين في الاماكن المقفولة و في الحدائق العامة و محطات الاوتوبيسات اللي في الشارع
* لو هتمشي تتكلم بصوت عالي و تضحك بصوت عالي في الشارع هيبصولك بقرف
* لو بصيت على واحدة و تنحت ممكن تقولك بتبص على ايه و ممكن تتخانق معاك
* الروس عندهم استعداد للأشتباك بالايدي و المشاجرة في اي وقت و اي مكان
* الجو شهر 6 في روسيا بيبقى عامل زي اخر اسبوعين في مارس بتاع مصر و ممطر 
* ابوس ايدك بلاش تحرش 
* ضابط الجوازات في المطار من حقه يرفض دخولك البلد بدون اي سبب،، و بتحصل كتير اوي اوي اليومين دول
* ليك مهلة اسبوع من وصولك البلاد و تعمل حاجة كده اسمها ريجستراتسا ( ورقة كده مكتوب فيها مكان اقامتك و مدة اقامتك جوه البلد) و لو مش معاك الورقة دي و الشرطة وقفتك المفروض قانوني بتدفع غرامة 7000 روبيل في البنك الوطني الروسي 
* ممنوع السير في الشارع و انت شايل في ايدك ازازة خمرة و ماشي بتشرب منها و بتعربد
*ارجوك بلاش تحرش
* في روسيا محلات السلاح اكتر من مطاعم ماكدونالدز  و غالبية الشباب معاهم سلاح ابيض او مسدس بيضرب بلي بيعور 
* نسيت اقولك انهم شايلين السلاح بالتصريح بتاعه عادي خالص
* حاول متتصاحبش على حد علشان هم اصلا مش بيحبوا الاجانب ف في الغالب هيبقى عايز يعمل عليك مصلحة و يستغلك
* حاول متغيرش فلوس غير في البنك او مكاتب الصرافة و خلي بالك الفلوس المضروبة كتيرة هنا
* نسبة كبيرة من الروس نزلوا مصر و داقوا حوارات المصريين 
* بلاش معاكسات ارجوك و خليك واجهة حضارية لبلدك
* هتعدي الشارع بص على الاشارة و متعديش غير في اشارتك علشان لو اتمسكت هتدفع غرامة
* الروس بيمشوا يتفوا و ينفوا في الشارع بلاش تعمل زيهم
* كل محطة اوتوبيس بيبقى متعلق فيها يافطة مكتوب فيها ارقام الاوتوبيسات اللي بتعدي عليها و مواعيدها
* روسيا فيها كاميرات في الشوارع و المحلات و مداخل البيوت و المولات و العمارات و مفيش خرم ابره مفيهوش كاميرا
* باسبورك زي جلدك متروحش في حته من غيره هو و الريجستراتسا و الورقة الصغيرة اللي هتاخدها من ظابط الجوازات في المطار
* الورقة اللي هتاخدها من ظابط الجوازات في المطار اسمها ايميجراسيونا كارتا هتسلمها تاني في المطار و انت مغادر
* باسبورك لو ضاع تتوجه لأقرب قسم شرطة و تعمل محضر و بعدين تتوجه للقنصلية و تشوف هيعملوا ايه معاك
* موسكو فيها شبكة مترو انفاق كبيرة جداً و كلها تحف معمارية من  ثلاثينات القرن اللي فات و بيسموها قصور الشعب حوالي 14 خط مغطية العاصمة كلها حاول متتحركش جواها لوحدك و انت لسه جديد علشان هتتوه

* روسيا في الصيف جميلة جداً و اللون الاخضر يسر العين لكن في الشتا جحيم بارد 
* موسكو من اغلى العواصم في العالم اعمل حسابك في فلوس كتيرة 
* هتكسر فيزة هتعيش زي المطاريد او هتتمسك و هتروح محكمة و هتاخد ورقة طرد لازم تغادر خلال 10 ايام و هتاخد ختم حرمان 5 سنين
* وحياة امك يا شيخ بلاش تحرش
* معظم المحلات و المولات و المطاعم و الصيدليات بتقفل من 10 مساء ماعدا محلات الورد 24 شغالين
* حاول تعرف كام كلمة روسي غير خراشو علشان تعرف تتعامل هنا ( اسمها خراشو مش خراشوف على فكرة)
* اول ما تقوم من النوم اعرف الطقس ظروفه ايه علشان هتلاقي شمس و هوا و سحاب و برق و رعد في يوم واحد و لازم يبقى معاك شمسية و الا هتتبل بجد 
* عادي اوي ان حد يوقفك و يشحت منك سيجارة ، هنا الكيف مناولة مش مقاولة 
* معظم الشعب معندهمش ثقافة الاستئذان من حد علشان يعدي فطبيعي لو لقيت حد زقك في طابور او في المترو او اي حتة علشان يعدي اوعى تقفش و تتخانق لأن ده الطبيعي بتاعهم هو مش شايف نفسه قليل الذوقو بعدين حضرتك تركب
* لما المترو يقف حضرتك تقف على جنب لحد ما الركاب اللي نازلين ينزلوا  و بعدين تركب وعلي سلالم المترو المتحركة اللي بيمتد طولها ل 200 متر أحياناً  متقفش ف الشمال علشان ده بتاع الناس المستعجلة 
اقف ف اليمين ورا الناس اللي واقفه 
خليكم سفراء لبلدنا وبلاش تحرش وحياه ابوكم 🙂
منقول

اخبار الحوادث

الكامل فى التاريخ

البيت بيتك

اخبار التعليم و نماذج كادر المعلمين مصر