كيف تستورد سيارة في مصر لحسابك و بدون المرور على توكيلات السيارات المفترية

👊👊👊😂😂😂 اضرب
علشان تستورد عربية  كل المطلوب الأتى: شهادة منشأ اتحاد أروبى. برفورما انفويس.. فاتورة مبدئية يعنى.. سعر السيارة مذكور فى الفاتورة فوب(يعنى على ظهر المركب فى ميناء الشحن) أو سيف(يعنى واصل أسكندرية متضمن سعر الشحن والتأمين). تاخد المستندين دول وصورة بطاقتك وعلى البنك.. تفتح حاجة اسمها اعتماد مستندى. مقابل المستندات. حيتفح الأعتماد.. تبعتة للى حتشترى منة.. اول ما يشحن العربية ويبعت المستندات الأصلية للبنك مباشرة البنك يحول الفلوس.. مبعتش يبقا مفيش تحويل.. انت بعد ما توصل المستندات حتكون العربية لسة فى البحر.. تاخد المستندات وعلى جمرك السيارات اللى فى مطار القاهرة.. قبل البوابات تدخل يمين.. يعنى مش تخش المطار.. اسأل على جمرك السيارات قبل الكارتة حيقولك خش يمين.. تروح تقولهم عايز اعمل افراج مسبق. إفراج اية؟؟ افراااااج مسبق؟؟ علشان متتبهدلش فى الجمارك فى اسكندرية ... ودى المستندات.. حيحددلك الرسوم والضريبة وكل المصاريف تدفع كل المصاريف وتاخد إذن الإفراج الجمركى المبدئى فى ايد حضرتك.. لما توصل العربية الميناء تاخد اجازة يومين او تلاتة بالكتير.. وتروح اسكندرية تدخل الميناء وتشوف اى مستخلص علشان يحط اسمة على الورق ومش تدفعلة اكتر من الف او الف وخمسميت جنية..حتى لو اتنطط قدامك.. فية بدل المستخلص مليون.. لما حيلاقيك فاهم مش حيشتغلك.. مش اكتر من كدة.. وكل اللى حيعملة حيفتحلك شهادة. تروح بيها على الجمرك ياخدوا بصمة الشاسية والموتور زى ما بيحصل فى الفحص كدة فى المرور اول ما يلاقيها مطابقة يعملك افراج نهائى وتستلم عربيتك. لو مكنش فى نفس اليوم يبقا تانى يوم بالكتير.. تحط فيها بنزين خمسة وتسعين بلاش استخسار.. وتركب عربيتك وتوصل بألف سلامة لأقرب مرور ليك. اللى انت تبعة.. تدخل عليهم تشترى دوسية فحص. وتقف فى الطابور وتحط اذن الإفراج فى الدوسية وحياخدوا البصمة. والبيانات حتوصلهم اوتوماتك من الجمارك. تدخل تدفع الضريبة ورسوم الرخصة. وتطبع الرخصة وتروح على البيت.. حتكون تعبان. معلش خد الأولاد والمدام. او صحابك واعزمهم عزومة حلوة كدة بمناسبةالعربية الجديدة.. ومتنساش تدعيلى دعوة حلوة كدة.. بس من قلبك لو سمحت.. ولو عايزين اى حاجة ابعتولى وانا تحت امركم. المهم نقطع صوابع التوكيلات المفترية دى. صحيح نسيت اقولك.. ممكن حضرتك تانى يوم تبيع العربية عادى.. وتشترى واحدة تانية.. وممكن عادى برضوا تشترى واحدة تانية وانت معاك الأولى. بس بلاش استنصاح.. وتشترى نفس الموديل.. حتتقفش فى الجمرك ومش حيفرجوا عنها.. حيقولك اتجار.. لكن لو موديل تانى حتقولة انا حر عايز مودلين. عادى يعنى.. اة نسيت اقولك.. من حق المدام او والدك او اختك تجيب على اسمهم بنفس الطريقة.. ويبيعولك العربية عادى جدا برضوا بس بعد الإفراج الجمركى.. يعنى ممكن تبيع العربية اول ما تستلم الأفراج والمشترى يرخص بأسمة عاي (  منقول  ).
و شارك من فضلك من اجل المصلحة العامة