خطورة عمل الأشعة المقطعية من اجل تشخيص الاصابة بكوفيد ١٩ كورونا

 و قبل ما يفوت الأوان....... 

أوقفوا مهزلة الأشعة المقطعية اللي مصر كلها بتعملها للتأكد من الإصابة ب #كورونا

حرام حرام حرام نقول للناس مفيش مسحات واعملوا مقطعية علطول لمجرد اشتباه او مخالطة و من غير اعراض شديدة تستدعي. 

المسحة رغم ان ليها نسبة خطأ محتملة، لكن أسهل، ارحم، ابسط، اسرع  ، و المقطعية في حالات معينة ولازم مختص ينصح بيها . 

أشعة مقطعية يعني إشعاع مؤين بيتعرض ليه الجسم بكمية كبيرة قادرة انها تخترق الأنسجة والغدد والعظام. 

مقطعية يعني كمية إشعاع ٥٠ضعف الأشعة العادية علي الصدر ، يعني كمية إشعاع اكتر  من العادية اللي بنعملها للذراع والقدم في حالات الكسور بحوالي ١٥٠٠مرة.

يعني حاجة لازم تستخدم في نطاقات ضيقة.

ارجوكم انتبهوا.....

 احنا كده لا بنحاول نشخص المرضي بشكل سليم وأمن،

ولا بنحاول نعالج بشكل يحفظ ارواح الناس، وهنصحي من مصيبة اسمها الوباء علي كارثة اسمها إنتشار  الأورام،

الاشعه المقطعيه  مهمه فقط في وجود اعراض تنفسيه  حتي لو المسحه سلبيه وتحت إشراف واستشاره طبيب متخصص  لكن تكرارها وعمل اشعه بدون اعراض خطر كبير..!!

ونسأل الله السلامة 😔

#منقول